Këngëtari i njohur Dilan Reka vjen për publikun dhe fansat e tij me një këngë të re që shumë shpejt pritet të shndërrohet në hitin e sezonit.
Kënga “Shotgun” ka një ritëm të veçantë që të bën për vete sapo e dëgjon për herë të parë.
Ky projekt i ri muzikor i këngëtarit të talentuar Dilan Reka është një këngë dashurie por me motive shumë të këndshme dhe një ritëm të veçantë që së bashku me zërin e këngëtarit jemi të bindur se shumë shpejt do të kthehet në një prej këngëve tuaja të preferuara.
Dilan është një prej këngëtarëve më të dashur për publikun, autor i disa këngëve të suksesshme si dhe pjesmarrës në disa festivale të rëndësishme në vend.
Dilan u bë edhe më i famshëm pas pjesmarjes së tij në edicionin e katërt të “X Factor Albania” dhe që prej asaj kohe e deri më sot e kemi parë të sjellë këngë gjithnjë e më të suksesshme.
Kënga më e re e tij shoqërohet gjithashtu edhe me një videoklip shumë interesant, për më tepër ju ftojmë ta dëgjoni dhe jemi të sigurt se do ta dashuroni.