Rama ndalon pagesën e qerave, ja kategoritë që përfitojnë

Bisnesi i vogël dhe familjarët e rregjistrur në punë, por që e kanë ndërprerë punën prej pandemisë globale nuk do të paguajnë qera.

Kryeministri Edi Rama përmes një njoftimi në faqen e tij zyrtare në Facebook tha se kjo masë mbështetëse vlen edhe për studentët me qera.

Ndërsa lidhur me ata punonjës që punojnë të pasiguruar, Rama tha se ky është momenti i duhur për të denoncuar punëdhënësin e tyre.

Në rast se qeradhënësit nuk e zbatojnë këtë rregull dhe ju kërkojnë qeranë kategorive të lartpërmendura, atëherë do të gjobiten me 5 fishin e shumës së qerasë.

Kryeministri tha gjithashtu se për çdo rast presioni nga qeradhënësit, subjektet qeramarrëse mund të drejtohen në faqen online të Drejtorisë së Përgjithshme të Tatimeve.

Link: https://www.facebook.com/edirama.al/

Burimi i fotos: https://www.facebook.com/edirama.al/videos/654347055385321/