Rritje e qëndrueshme e rasteve pozitive, Manastirliu tregon vendimin për kufizimet në vazhdim

Rritja e qëndrueshme e rasteve pozitive gjatë dy javëve të fundit ka bërë që komiteti i ekspertëve të marrin vendimin për të mbajtur në fuqi masat e deritanishme.

Konkretisht gjatë një konference për shtyp Ministrja e Shëndetësisë njoftoi se do të vijojnë kufizimet pas orës 10 deri në orën 6 të mëngjesit duke pezulluar çdo lloj aktiviteti që nga baret, restorantet e deri tek lëvizja në rrugë.

Gjithashtu universitetet do të vijojnë të bëjnë mësim online për një kohë të papërcaktuar, ndërsa është vendosur që të pezullohen fluturimet me Britaninë e Madhe të paktën deri në datë 1 shkurt.

Dy javët e fundit është vënë re një rritje e numrit të rasteve pozitive sipas Manastirliut dhe gjithashtu një rritje e rasteve të shtrimeve në spital, por gjithsesi mbetet shifra të qëndrushme dhe jo alarmante.

Link: https://www.instagram.com/p/CJbugMIBVrf/

Burimi i fotos: https://www.instagram.com/p/CJbugMIBVrf/