Mjaft e dashur dhe për shqiptarët, ndahet nga jeta artistja meksikane

Këngëtarja, aktorja dhe producentja e njohur meksikane Carmen Salinas, u n da nga jeta në moshën 82-vjeçare nga komplikimet e një problemi cerebrovaskular, njoftoi familja e saj në rrjetet sociale të aktores.

Salinas njihej si “La Queridísima de México” (e dashura e Meksikës) për ndjeshmërinë dhe bujarinë e saj të madhe me publikun, kolegët e saj aktorë dhe këdo që i kërkonte ndihmë të çdo lloji.

Kishte punuar thuajse deri në frymën e fundit, ashtu siç donte gjithmonë. Disa orë para se të pësonte një hemorragji cerebrale, ajo regjistroi skenat e telenovelës “Mi Fortuna es Amarte”, ku luante rolin e gjyshes “Magos”, e cila po jetonte ditët e fundit me kancer në rrëfimin e telenovelës.

Salinas pati një karrierë artistike pjellore me 113 filma, 26 telenovela, programe dhe seriale, përveç më shumë se 40 shfaqjeve dhe prezantimeve të panumërta në teatrin e varietetit.

Roli i fundit në telenovelën e Carmen Salinas ishte ai i Doña Magos në “Mi Fortuna es Amarte” (fati im është të të dua).

Linku: https://www.elpasotimes.com/story/entertainment/people/2021/12/10/carmen-salinas-mexico-actress-death-age-82/6464000001/

Burimi i fotos: unsplash.com