Postoi në rrjete sociale, përdoruesja dënohet me 45 vite burg

Gruaja saudite dënohet me 45 vite burg për postime në rrjetet sociale

Një grua saudite u dënua me 45 vjet burg për postimet e saj në rrjetet sociale.

Nourah bint Saeed al-Qahtani u dënua për “përdorim të internetit për të grisur strukturën sociale” dhe “shkelje të rendit publik duke përdorur mediat sociale”, sipas grupit të të drejtave të njeriut Arabi.

Abudllah Alaoudh, drejtor i kërkimit për rajonin e Gjirit në Dawn, i tha BBC-së se grupi mësoi për rastin pasi mori dokumentet e gjykatës nga një burim gjyqësor. Dihet pak për të, përveç faktit që ajo kritikoi liderët sauditë.

“Asgjë në dokumentet e saj gjyqësore nuk ka të bëjë me ndonjë dhunë apo aktivitet kriminal,” tha Alaoudh.

Dënimi i Qahtanit vjen vetëm disa javë pasi një aktiviste saudite për të drejtat e grave u dënua me 34 vjet burg për postimet në Twitter që kritikonin qeverinë në pushtet të mbretërisë.

Salma al-Shehab kishte përdorur Twitter-in ndërsa ishte në Mbretërinë e Bashkuar për të bërë thirrje për reforma dhe lirimin e aktivistëve në Arabinë Saudite.

Linku: https://www.upi.com/Top_News/World-News/2022/08/31/Saudi-Arabia-twitter-social-media/4351661956376/

Burimi i fotos:unsplash.com