Telenovela me ndarje dhe ribashkime të shumta të futbollistit të njohur Mauro Icardi dhe partneres së tij Wanda Nara janë bërë kryefjala e mediave të huaja.
Wanda ka qënë e ftuar në spektaklin e kërcimit “Dancing With the Stars” dhe më pas dha një intervistë për “Verissimo”, në Canale 5, ku zbuloi se cila ishte arsyeja e ndarjes nga futbollisti.
“Kemi 5 fëmijë bashkë dhe ai është shumë i pranishëm me djemtë. Unë jam një grua e modës së vjetër dhe kujdesem për familjen, për të cilën kam lënë karrierën dhe punën.
Prioriteti im ishte të shoqëroja Mauron në karrierën e tij, por kur nisëm të grindemi, nuk kishte më qetësi në shtëpi dhe mendova për qetësinë e fëmijëve, ndaj thashë ‘mjaft’”, ka zbuluar modelja.
Ajo gjithashtu tregoi se nuk e ka tradhtuar kurrë Icardin dhe mohon thashethemet e supozuara që flasin për flirtimet e saj me reperin 22-vjeçar L-Gante.
Burimi i fotos: https://www.instagram.com/p/CdBs1zKtoht/?utm_source=ig_web_copy_link