Dasmat kanë gjithnjë e më pak rregulla të modës sesa në dekadat e kaluara, gjë që mund të jetë e mrekullueshme, por gjithashtu i bën gjërat pak më të komplikuara. Shumë nga nuset e sotme janë më pak të veshura me fustane tradicionale, ndërsa dhëndri anashkalon kostumin tipik të zi për një kostum pastel.
Kjo do të thotë që të ftuarit gjithashtu kanë po aq liri me zgjedhjet e tyre. Por përpara se të zgjidhni se çfarë do të vishni atë ditë, ka disa gjëra që duhet t’i mbani mend në mënyrë që të jeni akoma brenda ‘normave’ për ceremoninë dhe njerëzit që martohen. Ekspertja e stilit të jetesës Elaine Swann na jep disa këshilla.
Mos vishni kurrë të bardha
Swann thotë se ngjyrat më të lehta priren të fotografojnë të bardhën dhe prandaj nuk rekomdandohet të vishet edhe ngjyra bojëqielli e lehtë. Shmangia e ngjyrës së bardhë është diçka që dihet nga të gjithë por gjithsesi vlen të thuhet, përveç nëse nusja ka kërkuar në mënyrë specifike që të ftuarit ta veshin atë.
Mundohuni të shmangni veshjen e ngjyrave të shoqërueseve të nuses
Swann rekomandon që të qëndroni larg ngjyrave që përputhen me dasmën, në mënyrë që të mos dukeni sikur jeni pjesë e festës së nusërisë. Si mund ta përcaktoni këtë? Elaine thotë:
Ju mund të dalloni se cila është skema e ngjyrave për dasmën nga ftesa, e cila jep një ide se në çfarë drejtimi mund të shkojë çifti. Nëse nuk jeni ende të sigurt, gjithmonë mund të pyesni nusen ose shoqërueset e nuses!
Veshja e diçkaje me printe mund të ndihmojë në shmangien e kësaj, pasi tradicionalisht, shumica e shoqërueseve të nuses veshin ngjyra të forta.
Mos shkoni me një veshje të përditshme
Edhe nëse dasma nuk ka një kod veshjeje, mos harroni: Nuk është aq rastësore. Kjo do të thotë pa xhinse dhe bluza. Swann shpjegon:
Nëse duhet të zgjedhësh mes të qenit i veshur keq apo i veshur tepër, është gjithmonë më mirë të jesh i veshur ekstra.
Mbuloni shpatullat nëse është e mundur
Ceremonia zhvillohet në një kishë apo në një institucion me një kod veshjeje më modeste. Swann thotë se mbi të gjitha është e rëndësishme të mbani mend se dasmat janë një rast i shenjtë. Kini respekt për vendin ku po shkëmbehen zotimet dhe gjithmonë merrni një shall ose pulovër për t’u mbuluar.
Shmangni teprimet në veshje
Edhe nëse fustani juaj i dasmës është krijuar për të lënë përshtypje, gjëja e fundit që dëshironi të bëni është t’ua kaloni njerëzve që martohen! Printet dhe ngjyrat argëtuese janë padyshim në rregull, por sigurohuni që të mos jeni ju në qendër të vëmendjes. Elaine shpjegon:
Ka një ndryshim midis veshjes së një fustani koktej që është vërtet i lezetshëm për klube dhe veshjes së një fustani kokteji që është menduar për një martesë. Veshja që zgjidhni nuk duhet të tërheqë shumë vëmendjen nga çifti.
Rimendoni për veshjet me shkëlqim
Sigurisht që ju dëshironi të jeni pjesë e të ftuarit të veshur ‘më mirë’, por nuk dëshironi që sytë e të gjithëve të jenë te ju dhe jo tek nusja. Në vend të teminave të shtrenjta, provoni tekstura të tjera si dantella për një pamje që bie në sy, por që nuk shkëlqen shumë.
Linku: https://www.shutterfly.com/ideas/what-not-to-wear-wedding/
Foto; Freepek.com