Ndonjëherë, nëse e vë veten në vend të parë, do të dukesh një person egoist në sytë e shumë personave. Por mos lejoni që kjo t’ju ndalojë të dëgjoni zërin e brendshëm që dëshiron të drejtojë vendimet tuaja.
Ji egoist kur ke nevojë për pushim
Kur ndjeni lodhje emocionale, mendore ose fizike, është koha për të pushuar. Është në rregull të anulosh takimet dhe të mos paraqitesh në ngjarje që nuk kanë rëndësi të madhe dhe të vësh veten në vend të parë. Ndonjëherë pushimi do të thotë të shikosh serinë gjithë ditën, ndonjëherë të flesh, dhe ndonjëherë do të jetë në formën e ritualeve të vogla nga të cilat të rimbushësh bateritë.
Ji egoist kur dëshiron të jesh vetëm
Disa njerëz nuk do t’ju kuptojnë kur zgjidhni të qëndroni në shtëpi në vend që të dilni jashtë, por ata nuk ndihen keq për këtë. Të gjithë ndonjëherë kanë nevojë të kenë kohë për veten e tyre. Kalendari juaj nuk ka pse të jetë plot me ngjarje nëse nuk doni të dilni jashtë. Është në rregull të bësh një pushim nga njerëzit, madje edhe nga të dashurit e tu.
Ji egoist pas ndryshimeve të mëdha në jetë
Ndryshimet e mëdha në jetë, si humbja e një pune, prishja e një marrëdhënieje afatgjatë ose vdekja e një njeriu të dashur, shpesh kërkojnë një periudhë pa shoqëri, njerëz dhe ngjarje. Në momente të tilla të jetës, çdo person reagon ndryshe. Nëse ndjeni se keni nevojë për një pushim nga të gjitha gjërat që ju kënaqën, bëjeni atë pa keqardhje.
Ji egoist nëse ndjen se jep shumë
Nëse mendon se u jep shumë njerëzve dhe nuk merr asgjë në këmbim, largohu. Qofshin njerëz që i njihni prej vitesh, të afërm, apo njerëz që sapo keni takuar, mos hezitoni t’i largoni ata njerëz nga jeta juaj. Të kujdesesh për veten do të thotë të refuzosh hapur disa njerëz dhe gjëra që nuk janë më të mira për ty. Të thuash “jo” do të thotë të vësh veten në vend të parë, dhe kjo është krejtësisht në rregull.
Linku: https://www.fastcompany.com/3032673/4-reasons-why-being-selfish-is-good-for-you
Foto:Freepik.com
13