Fabrizio Corona do të bëhet sërish baba në moshën 50-vjeçare.
Sara Barbieri, e dashura e ish “mbretit të paparacëve” Fabrizio Corona, është shtatzënë. Lajmin e ka bërë të ditur drejtpërdrejt Corona, i cili është shprehur i lumtur për këtë lajm që vjen në vitin e pesëdhjetëvjetorit të lindjes.
“Ardhja e një fëmije na ndihmon të gjithëve të shikojmë drejt së ardhmes”, deklaroi Corona për revistën javore Chi. Pavarësisht se lidhja e saj me ish-paparaczon zgjat prej tre vitesh, Barbieri ka mbajtur gjithmonë një profil të ulët dhe nuk ka dhënë asnjëherë intervista.
Diskrecioni i saj bie në kontrast me personazhin publik të Corona, i njohur për jetën e tij në qendër të vëmendjes dhe daljet e tij të shpeshta në media.
Sara Barbieri është me origjinë nga Firence, ka lindur në vitin 2000 dhe kështu është 24 vjeç. Ajo punon si modele dhe ka mbi 60 mijë ndjekës në Instagram.
Linku: https://www.ilmessaggero.it/en/fabrizio_corona_to_become_a_father_again_at_50_inside_his_relationship_with_sara_barbieri-8133926.html
Burimi i fotos:https://www.instagram.com/p/C2zoutENt-l/?img_index=1