Taylor Swift shfaqet në New York me një stil veror, kombinon fustan 300 dollarë me çantë luksoze Dior prej afro 10 mijë dollarësh

Këngëtarja e famshme Taylor Swift ka tërhequr sërish vëmendjen me stilin e saj të veçantë gjatë një daljeje në New York më 27 prill. Fituesja e çmimeve Grammy është fotografuar duke kaluar një ditë të qetë në qytet, e shoqëruar nga babai i saj, Scott Swift, dhe miq të afërt.

Artistja 36-vjeçare kishte zgjedhur një pamje të freskët dhe verore, duke kombinuar një fustan midi me vija blu dhe të bardha nga Nordstrom, me vlerë rreth 325 dollarë. Ajo i dha një prekje luksi veshjes së saj me një çantë ikonike mini “Lady Dior”, në ngjyrë të verdhë të lehtë, e cila kap vlerën rreth 9,750 dollarë.

Pamja e saj u kompletua me sandale elegante Christian Louboutin prej lëkure, me vlerë rreth 1,195 dollarë. Swift mbajti flokët të krehura anash dhe nuk hoqi dorë nga buzëkuqi i kuq karakteristik, duke i shtuar look-ut një elegancë të veçantë.

Ndërkohë, babai i saj, Scott Swift, u shfaq me një stil klasik, i veshur me xhaketë gri, këmishë dhe pantallona të kombinuara.

Më vonë gjatë mbrëmjes, Taylor u pa në një darkë në West Village së bashku me babanë dhe miqtë e saj, përfshirë Jerrod Carmichael, Jack Antonoff dhe Ashley Avignone, duke treguar një anë më të thjeshtë dhe të përditshme të jetës së saj larg skenës.

Kjo dalje vjen vetëm pak javë pasi këngëtarja ishte parë po në New York me një stil më elegant dhe me nuanca “nusërie”, në një kohë kur po përflitet për martesën e saj të ardhshme me Travis Kelce.

Stili i fundit i Swift duket se reflekton një ndryshim nga pamjet më glamuroze që ajo kishte gjatë promovimit të albumit të saj të fundit “The Life of a Showgirl”, i publikuar në tetor 2025, duke treguar një qasje më të thjeshtë, por po aq të kuruar në detaje.