Dua Lipa dhe yjet botërorë e kthejnë muzikën në magnet turistik për Britaninë, shpenzimet arrijnë 13.1 miliardë euro

Sipas raportit, koncertet, turnetë dhe festivalet tërhoqën 24.7 milionë turistë të muzikës gjatë vitit 2025, një rritje prej 4.8% krahasuar me vitin paraprak. Nga ky total, 22.6 milionë ishin vizitorë vendas, ndërsa 2.1 milionë ishin turistë ndërkombëtarë, duke shënuar një rritje të ndjeshme prej 26.8% në raport me vitin 2024.

Rritja e numrit të vizitorëve u reflektua edhe në ekonomi. Shpenzimet e turistëve të muzikës arritën një rekord prej 11.2 miliardë paundësh (13.1 miliardë euro), ose 11.3% më shumë se një vit më parë. Kontributin më të madh e dhanë festivale dhe koncerte të njohura si Glastonbury, Download, Reading, Boomtown dhe Wireless, si edhe turnetë e artistëve më të famshëm të momentit.

Raporti veçon gjithashtu ndikimin e turneut të ribashkimit të Oasis, i cili zhvilloi 17 koncerte të shitura plotësisht në Mbretërinë e Bashkuar, duke gjeneruar të ardhura të konsiderueshme për sektorin e turizmit, hotelerisë dhe bizneset lokale.

Sipas UK Music, suksesi i artistëve si Dua Lipa dhe yjeve të tjerë ndërkombëtarë po forcon pozitën e Britanisë si një nga destinacionet kryesore në botë për turizmin muzikor, duke sjellë përfitime të mëdha ekonomike për vendin.

Burimi;https://www.euronews.com/travel/2026/07/10/the-oasis-and-glastonbury-effect-how-2025-was-a-record-year-for-uk-music-tourism

Foto; https://www.instagram.com/dualipa/?hl=en