Njerëzit priren të kërkojnë partnerë që u ngjajnë në disa tipare, por ngjashmëria e personalitetit nuk garanton domosdoshmërisht një lidhje më të gjatë apo më të lumtur.

Sipas një analize të publikuar nga psikologia e personalitetit Anu Realo në Psychology Today, çiftet afatgjata shpesh ndajnë vlera morale, nivel të ngjashëm arsimimi dhe interesa të përbashkëta. Megjithatë, kërkimet sugjerojnë se ngjashmëria në tiparet e personalitetit ka ndikim më të vogël në cilësinë dhe kohëzgjatjen e marrëdhënies sesa mendohet zakonisht.

Një studim i vitit 2023, i realizuar në një skenar të simuluar të aplikacioneve të takimeve, zbuloi se personat më të sjellshëm, empatikë dhe të hapur ndaj përvojave të reja priren të kërkojnë te partnerët pikërisht këto cilësi. Të anketuarit vlerësuan gjithashtu profile me nivel të ngjashëm ekstrovertimi.

Ndërkohë, një studim i fundit me 451 çifte të martuara holandeze, të cilët kishin qenë bashkë mesatarisht për afro 30 vjet, evidentoi ngjashmëri të moderuar në ndershmëri-përulësi dhe hapje ndaj përvojave të reja.

Kjo do të thotë se çiftet afatgjata mund të kenë mënyra të ngjashme të të kuptuarit të vlerave bazë, si ndershmëria, qëndrimi ndaj pasurisë dhe statusit, por edhe interesat kulturore, kuriozitetin për jetën, udhëtimet apo artin.

Megjithatë, ekspertët theksojnë se marrëdhëniet e suksesshme nuk ndërtohen vetëm mbi ngjashmëri. Dallimet në personalitet mund të jenë po aq të vlefshme, sidomos kur partnerët plotësojnë njëri-tjetrin në situata sociale, emocionale dhe të përditshme.

Burimi;https://www.psychologytoday.com/us/blog/the-quiet-joy-of-being/202609/do-we-fall-for-people-like-us

Foto; Freepik.com