Një grua e quajtur Mel Issa ka shkruar në rrjetet sociale se ka 26 pemë Krishtlindjesh, dekorimi i të cilave i merr 3 muaj kohë, shkruan New York Post.
“Më në fund i dekorova të gjitha pemët. Kam 26 pemë të zbukuruara plotësisht”, shkroi ajo në një grup në Facebook të quajtur The Magical Holidays of Christmas & Winter ku bashkëngjiti edhe fotografitë.
Postimi mori mbi 600 komente dhe pyetje nga anëtarët e tjerë. “Sa bukur! Kur fillon t’i zbukurosh?”, pyeti një prej tyre. “Zakonisht në fillim të shtatorit”, përgjigjet Issa.
Megjithatë, heqja e tyre i merr vetëm një javë. Një tjetër e pyet se sa kohë i është dashur për të grumbulluar të gjitha zbukurimet. “22 vite”, ia kthen ajo.
Issa shton se ka mundur që t’i blejë zbukurimet festive falë “shumë viteve koleksionim dhe blerjeve me ulje pas Krishtlindjeve”.
Secila nga 26 pemët ka një temë të caktuar. E preferuara e Issa është pema e madhe me personazhin Grinch.
Gjatë muajve të tjerë të vitit, dekorimet ruhen në bodrumin e shtëpisë së saj.
Linku: https://nypost.com/2023/11/23/lifestyle/i-have-26-christmas-trees-they-take-me-3-months-to-set-up/
Foto:Freepik.com