Së fundmi po përflitet gjithnjë e më shumë se këngëtarja me origjinë shqiptare, Dua Lipa, dhe aktori britanik Callum Turner mund të jenë gati për një hap të ri në marrëdhënien e tyre.
Thashethemet për një dasmë të mundshme kanë shpërthyer në rrjetet sociale, pasi një video e shpërndarë në TikTok është bërë virale, duke nxitur fansat të spekulojnë për një ceremoni të afërt. Në pamjet që qarkullojnë, çifti shihet në një moment privat, ndërsa përdoruesit e rrjeteve sociale kanë filluar menjëherë të komentojnë për një martesë të mundshme.
Dua Lipa dhe Callum Turner janë prej kohësh në një lidhje që ka tërhequr vëmendjen e mediave rozë, ndërsa çdo dalje e tyre publike shoqërohet me reagime të shumta nga fansat. Burime pranë çiftit kanë lënë të kuptohet se marrëdhënia e tyre është bërë gjithnjë e më serioze, duke shtuar dyshimet se një dasmë mund të jetë më afër nga sa mendohet.
Megjithatë, deri më tani nuk ka një konfirmim zyrtar nga dyshja për një ceremoni martese, duke bërë që gjithçka të mbetet në kuadrin e spekulimeve që po qarkullojnë në rrjet.