Eshtë e modës që kujdestari më i mirë dhe i sigurt i fëmijëve, të bëhet Youtube ose kanalet e dedikuara në TV. Por sa vlerë kanë këto për mirërritjen e një fëmije? Distancën mes jush dhe fëmijës suaj, e mbush përditë e më shumë pikërisht përmbajtja e YouTube-it, e krijuar enkas për të rrëmbyer vëmendje dhe krijuar varësi. Si mund të jetë e shëndetshme kjo?
Edukimi gjatë fëmijërisë është një proces i gjatë dhe i ndërlikuar. Ai përfshin përcjelljen e njohurive që do të lejojë që një qenie njerëzore të ekzistojë midis qenieve të tjera njerëzore dhe, ndërsa detajet ndryshojnë, sepse çdo familje ka specifikat e saj, historia është gjithnjë e njëjtë: ne duam të sigurojmë që fëmijët tanë të jenë të lumtur, të shëndetshëm dhe të zgjuar. Argëtimi i fëmijës kërkon histori me shpresë, logjikë dhe mësime për të nxënë. Kjo do të thotë që një video me dy fëmijë që luajnë me lodra, për shembull, pengon që fëmija juaj të luaj vetë me lodra.
YouTube është një grumbull i mbeturinave pa përmbajtje për fëmijë. YouTube nuk është për fëmijët. Nëse ia lejoni fëmijëve ata do të gjejnë veten duke parë diçka që është krejtësisht absurde që frymëzon konsumizëm, ose diçka të dhunshme ose me përmbajtje seksuale. Është e pashmangshme. YouTube mund të shtojë kanalet e fëmijëve, shërbimet e skanimit dhe madje edhe sensorët për njerëzit, por më besoni: katërvjeçari juaj përfundimisht do të klikojë në gjëra si ato të lartpërmendurat. Kjo nuk është lojë pa mbikëqyrjen e të rriturve dhe krijon një varësi e rrezikshme.
Link: https://www.youtube.com/watch?time_continue=402&v=4CSg_ZYKaI0
Burimi i lajmit: https://techcrunch.com/2017/11/29/youtube-is-not-for-kids/