“E pabesueshme”, Kylie Kelce flet për dasmën luksoze të Taylor Swift dhe Travis Kelce

Kylie Kelce, kunata e re e Taylor Swift, ka ndarë për herë të parë përshtypjet e saj për dasmën madhështore të këngëtares me yllin e NFL-së, Travis Kelce, e cila u zhvillua në Madison Square Garden në New York.

34-vjeçarja, e martuar me vëllain e Travis, Jason Kelce, e përshkroi ceremoninë me një fjalë të vetme: “E pabesueshme.” Ajo bëri komentin gjatë një daljeje publike, ku u shfaq krah bashkëshortit të saj.

Edhe Jason Kelce nuk i kurseu vlerësimet për ceremoninë, duke e cilësuar atë si një përvojë “të mrekullueshme” dhe një mbrëmje plot argëtim. Me humor, ish-lojtari i Philadelphia Eagles zbuloi se gjatë festës kishte konsumuar më shumë se 15 birra.

Taylor Swift dhe Travis Kelce kurorëzuan dashurinë e tyre më 3 korrik në një ceremoni që, sipas raportimeve, mblodhi rreth 1,000 të ftuar dhe pati një kosto prej afro 50 milionë dollarësh (rreth 44 milionë euro).

Dasma u karakterizua nga organizimi luksoz, dekorimet spektakolare dhe dhuratat e shtrenjta për të ftuarit, duke u kthyer në një nga ngjarjet më të komentuara të vitit në botën e showbiz-it.

Marrëdhënia mes Taylor Swift dhe familjes Kelce është forcuar ndjeshëm gjatë viteve të fundit. Kylie Kelce dhe këngëtarja janë parë shpesh së bashku në ndeshjet e Travis Kelce, si edhe në aktivitete familjare, duke krijuar një raport të afërt që tashmë është bërë pjesë e vëmendjes së publikut.