Valdrin Sahiti reagon për vrasjen e Arlinda Zekajt: Parandalimi nis nga edukimi në familje

Stilisti nga Kosova, Valdrin Sahiti, ka reaguar për vrasjen e Arlinda Zekajt, duke theksuar nevojën për reflektim shoqëror dhe angazhim institucional në parandalimin e dhunës ndaj grave.

Gjatë një diskutimi në emisionin “Goca dhe Gra”, Sahiti u shpreh se trajtimi i kësaj problematike nuk duhet të kufizohet te reagimet e burrave, por duhet të përfshijë edukimin në familje dhe rolin e institucioneve.

Sipas tij, përgjegjësia për parandalimin e rasteve të tilla nis në familje dhe shtrihet në të gjithë shoqërinë. Ai theksoi rëndësinë e edukimit të brezave të rinj dhe të punës për ndryshimin e mentalitetit.

Sahiti kërkoi gjithashtu që zëri kundër dhunës ndaj grave të ngrihet në nivel institucional, duke e cilësuar këtë një çështje të ndjeshme që kërkon vëmendje dhe përgjegjësi të përbashkët.

Reagimi i tij vjen ndërsa vrasja e Arlinda Zekajt ka rikthyer në vëmendje debatin mbi dhunën ndaj grave dhe rolin e familjes, shoqërisë dhe institucioneve në parandalimin e saj.