Inçest motër-vëlla, herezi, blasfemi, provokim? Rita Petro në Zonë e Lirë

Autorja e poezisë kontraversiale, Rita Petro, ka qenë e ftuar mbrëmjen e djeshme në emisionin “Zonë e Lirë” të Arian Çanit dhe ka qenë përballë Pastorit Akil Panos.

Shkrimtarja hapi mjaft polemika me publikimin e poezisë mbi incestin mes motrës dhe vëllait, debati ka vërshuar edhe në Zonë e Lirë, në Tv Klan.

Petro e ka quajtur aktin e incestit si simbol të bukur që lindi njerëzimin.

Ajo tha:

Të gjithë janë kapur tek fjala incest dhe jo tek thelbi i poezisë. Unë jam kundër incestit në atë poezi deri në vargun e fundit dhe vajza që është personazhi im është e mallkuar”.

Nga ana tjetër, Pastori tha se dashuria mes motrës dhe vëlait nuk mund të jetë ashtu siç Rita e përshkruan.

Ai tha ndër të tjera:

Kjo dashuri nuk mund të njolloset në këtë mënyrë”.

Poezia e Rita Petros “Mallkimi i parë”

Zoti im, ATI im

Cili është ai mashkull

Aq i bukur

Që po vjen te unë

Sytë shigjeta-tinëzare

Drejt në zemër

M’i ka ngulur?

Kur më prek

Me duart aq të buta

Lëkurën ma puçrron…

Pse kur më puth në qafë

Drithëroj e tëra

Njomem atje poshtë?

Buzët më hapen

E kërkojnë buzët e tij

Gjuha e tij e lëngësht

Gjuhën time do?

E kur kaq butësisht

Më përqafon

Ndiej në bark

Të ngjeshur

Mikun e tij të fortë!

Qepe gojën, boll

Mjaft me këto dokrra

Ai është vëllai yt

E kjo që mendon

Është blasfemi!

Në ferr do të digjesh

Nëse shkon me të

Kurrë më për gratë

S’do kem mëshirë

E në jetë të jetëve

Do të vuajnë

Mallkimin tim!

Në djall vafsh ti, o Atë

Bashkë me vullnetin tënd!

Vëllai im

Unë dua të kryej incest me ty!

Link: https://www.youtube.com/watch?v=7r-et6szl8s

Burimi i fotos kryesore: ©Tv Klan