Ka vetëm një ditë që është publikuar dhe deri tani ka marrë vëmendje maksimale.
Reperi Roli Rolling sapo ka prezantuar para fansave të tij këngën Senorita e cila premton të kthehet shumë shpejt në hit.
Kënga e stilit rep flet për lekët dhe jetën e luksit, ndërsa vetë këngëtari gjatë klipit të këngës shoqërohet nga një grup femrash të cilat vijnë mjaft provokuese si në veshje ashtu edhe në performancën e tyre.
Roli Rolling e shohim teksa reklamon marka të shtrenjta orësh e parfumesh gjatë klipit të këngës, ndërsa vetë shfaqet në ambjentet e një shtëpie luksoze në një party i shoqëruar nga femra që kërcejnë rreth tij.
Reperi solli për publikun dy muaj më parë një tjetër këngë të suksesshme, ndërsa është i njohur edhe për disa bashkëpunime me emra të njohur të muzikës.
Këngët dhe bashkëpunimet e tij janë mirëpritur nga publiku dhe veçanërisht nga fansat e këngëtarit.
Link: https://www.youtube.com/watch?v=ZaBuRKRue88
Burimi i fotos: https://www.instagram.com/p/B2PDjsCh_Eg/