Ermal Fejzullahu së bashku me Arianën dhe katër fëmijët ndodhen aktualisht në vilën e tyre në Brezovic ku po qëndrojnë të izoluar prej gati 21 ditësh.
Gjatë një interviste në emisionin “E Diell” në “Top Channel”, Ermali ka treguar se si është të qëndrosh në karantinë me fëmijët dhe Arianën.
Këngëtari tha se ky izolim atij i ka bërë mjaft mirë pasi ka hequr dorë nga pija.
Prej gati 20 ditësh ai thotë se nuk ka vënë në gojë asnjë pikë alkol, ndërsa tregon se po kalon mjaft mirë dhe se e shfrytëzon ditën për t’u relaksuar dhe për të bërë shëtitje në mal.
Këngëtari tregon gjithashtu se këto ditë kanë qenë tamam pushime pasi edhe telefonin e humbi në dëborë ndërsa po bënte shëtitje dhe për këtë arsye i ka shijuar më shumë se kushdo këto ditë.
Link: https://www.youtube.com/watch?v=3Z2X2pj1gyk&feature=emb_err_watch_on_yt
Burimi i fotos: https://www.instagram.com/p/B-cDw-5hpV_/