E fundit/ 6 raste të reja në 24 orë, ja qytetet ku janë rregjistruar raste të reja

Ulet ndjeshëm numri i rasteve të reja me COVID-19.

Gjatë 24 orëve të fundit janë rregjistruar vetëm 6 raste të reja, 4 prej të cilave në Tiranë, 1 në Durrës dhe një në Mat.

Të identifikuarit pozitiv janë kontakte dhe raste të reja për të cilat po kryhet hetim epidemiologjik.

Sipas të dhënave të Ministrisë së Shëndetësisë në spitalin infektiv po marrin shërbim 28 pacientë, 3 prej të cilëve në terapi intensive, ndërsa një prej tyre në gjendje më të rëndë i intubuar.

Gjatë 24 orëve të fundit janë shëruar 5 qytetarë duke e çuar në 877 numrin e personave të shëruar.

Duke qenë se nga dita e sotme do të hiqen thuajse të gjitha kufizimet, ekspertë të Ministrisë ju bëjnë thirrje që të tregohen vigjilentë për të mbajtur nën kontroll situatën epidemiologjike në vend duke shmangur kështu përhapjen e mëtejshme të virusit.

Link: https://www.youtube.com/watch?v=en5Grjtb7yA

Burimi i fotos: https://new.shendetesia.gov.al/