E fundit/ 3 viktima dhe 131 raste te reja, rriten shtrimet në spital

131 raste të reja me COVID-19 janë rregjistruar gjatë 24 orëve të fundit në vendin tonë.

Ministria e Shëndetësisë njofton se kanë ndërruar jetë 3 persona, ndërsa janë shëruar 47 duke e çuar mbi 7 mijë numrin e personave që e kanë fituar betejën me virusin që prej fillimit të epidemisë.

Ndërkaq është rritur numri i personave që po marrin trajtim spitalor.

Aktualisht në të dyja spitalet në vend ndodhen 201 persona të shtruar, 17 në terapi intensive dhe 8 të intubuar në gjendje më të rëndë shëndetësore.

Ekspertë të Ministrisë vazhdojnë të bëjnë apel për më shumë kujdes, sidomos  pas fillimit të shkollave ku edhe rreziku për përhapjen e virusit është më e lartë.

Link: https://www.youtube.com/watch?v=ecOklNJtIYI

Burimi i fotos: https://new.shendetesia.gov.al/