Ministria publikon të dhënat e fundit, ende shifra të larta me COVID-19

Ministria e Shëndetësisë ka publikuar të dhënat e fundit në vend lidhur me COVID-19.

Nga 3668 testime të kryera në 24 orë, janë rregjistruar 697 raste të reja në të gjithë vendin ku numri më i lartë i rasteve ditore është shënuar si gjithmonë në kryeqytet.

Aktualisht në të katërta spitalet në vend po trajtohen 260 pacientë, 19 në terapi intensive dhe 3 të intubuar.

Sipas të dhënave të Ministrisë fatkeqësisht 6 persona kanë ndërruar jetë, duke mos e fituar dot betejën me virusin.

Ndërkohë gjatë 24 orëve të fundit numrit të të shëruarve i janë shtuar edhe 433 persona të tjerë, duke e çuar numrin e të shëruarve në 36,535 që prej fillimit të epidemisë.

Link: https://shendetesia.gov.al/covid19-ministria-e-shendetesise-3668-testime-433-te-sheruar-697-raste-te-reja-dhe-6-humbje-jete-ne-24-oret-e-fundit/

Burimi i fotos: https://shendetesia.gov.al/