Rovena Dilo ka qenë dhe vijon të mbetet një nga zërat më të dashur të muzikës shqiptare.
Ajo së fundmi ka befasuar ndjekësit me një ëndërr të sajën, që e kishte që e vogël.
Nëpërmjet një postimi në rrjete sociale këngëtarja shkruan:
‘Dikur,shumë e vogël,thosha do bëhem pilote!
Atëherë në qiellin e Tiranës kalonin rrallë avionë apo helikopterë dhe kur ndodhte të gjithë kalamajtë ulërinin si të çmendur në kor,”Aroplani..
Gjithsesi egzaltimi ishte kaq i madh saqë kishte nga ata fëmijë që kalonin në ngjirrje.
Por arsyeja kryesore mendoj,që kam dashur të bëhem pilote,ka qënë komshiu ynë, piloti Armando Gjoka,një ushtarak i ri shembullor,një djalosh i jashtzakonshëm me sy blu e buzëqeshje guximtare,i cili humbi jetën në manovra ushtarake,në moshën 26 vjeçare!
Ai më frymëzonte pa fund,tek vinte veshur me uniformën e tij të aviatorit nga shërbimet dhe të gjithë ne fëmijët e adhuronim deri në habi! Ai ka qënë arsyeja e parë besoj,që kam respektuar dhe vlerësuar çdo militar të këtij vendi!
Armando Gjoka nuk e mori kurrë titullin hero i popullit,por për mua dhe shumë të tjerë që e njohëm në atë kohë,ai ka qënë personifikimi i mbrojtjes dhe sigurisë,teksa kthehej veshur me uniformën e pilotit nga stërvitja me avionin e tij ,me të cilin ndonjëherë në të rrallë kalonte edhe mbi qiellin e Tiranës e na bënte ne të gjithëve të na rrihte zemra fort.’
Linku: https://www.instagram.com/p/CNH2d7CHVPM/?utm_source=ig_web_copy_link
Burimi I fotos: https://www.instagram.com/p/CMp2U33ntIW/?utm_source=ig_web_copy_link