Kim Kardashian është paditur nga shtatë ish-anëtarë të stafit duke hedhur akuza të forta për menaxhimin e padrejtë që iu ka bërë atyre.
Sipas padisë, të paraqitur të hënën në Los Angeles, paditësit pretendojnë se Kardashian kishte vonuar pagat e tyre dhe iu ka mbajtur 10 përqind të pagave të tyre për taksat. Ajo refuzoi t’i paguante ata jashtë orarit , dhe nganjëherë i detyronte ata të punonin pa ndërprerje.
Andrew Ramirez, vëllai i tij Christopher Ramirez dhe djali Andrew Ramirez Jr, së bashku me Aron Cabrea, Rene Ernesto Flores, Jesse Fernandez dhe Robert Araiza tani po padisin për paga të papaguara dhe për kohën shtesë që ata thonë se i detyrohet.
Në një deklaratë për Daily Mail, i cili raportoi mbi procesin gjyqësor të hënën, ai tregoi se pas kësaj do të dëgjoni akoma më shumë mbi këtë çështje.
‘Vjedhja e pagave dhe shkeljet e tjera të vendit të punës janë një problem i përhapur në Los Angeles. Firma ime aktualisht po heton shkelje të tjera të mundshme kundër këtyre të pandehurve, si dhe familjeve dhe bizneseve të tjera të fuqishme në emër të punëtorëve të përditshëm.’
Një zëdhënës i Kardashian dha deklaratën vijuese: ‘Këta punëtorë u punësuan dhe u paguan përmes një shitësi të palës së tretë të punësuar nga Kim për të siguruar shërbime të vazhdueshme. Kim nuk është palë në marrëveshjen e bërë midis shitësit dhe punëtorëve të tyre, prandaj ajo nuk është përgjegjëse për mënyrën se si shitësi menaxhon biznesin e tyre dhe marrëveshjet që ata kanë bërë direkt me stafin e tyre.’
Linku: https://pagesix.com/2021/05/24/kim-kardashian-sued-by-former-gardening-and-maintenance-staff/
Burimi i fotos: https://www.instagram.com/kimkardashian/