Aktorja e serialit turk më të dashur për shqiptarët i ka dhënë fund beqarisë

Aktorja shumë e dashur për publikun shqiptar e njohur më tepër me rolin kryesor të Reyyan në serialin “Hercai”, Ebru Sahin, i ka dhënë fund beqarisë.

Ylli i serialeve turke kurorëzoi dashurinë me partnerin e saj, basketbollistin me origjinë nga Maqedonia e Veriut, Cedi Osman ditën e djeshme. Ceremonia është mbajtur në Ohër, që është dhe vendlindja e basketbollistit.

Çifti ka vendosur të mos e mbajë të fshehtë cermoninë madhështore të dasmës së tyre duke ndarë me publikun disa nga momentet e tyre të lumtura.

Ata do të mbajnë edhe një dasëm tjetër sipas traditave në datën 7 Korrik.
Dasma e aktores dhe basketbollistit ka ardhur pas dy vitesh lidhje, pasi ata nisën të shoqëroheshin bashkë gjatë verës së vitit 2020.