Komisioni Evropian ndalon TikTok-un në pajisjet e stafit

Stafi që punon në Komisionin Evropian është urdhëruar të heqë aplikacionin TikTok nga telefonat e tyre dhe pajisjet e korporatës.

Komisioni tha se po zbatonte masën për të “mbrojtur të dhënat dhe për të rritur sigurinë kibernetike”.

TikTok, në pronësi të kompanisë kineze ByteDance, është përballur me akuzat se mbledh të dhënat e përdoruesve dhe ia dorëzon qeverisë kineze.

Shefi i industrisë së Bashkimit Evropian (BE) Thierry Breton tha në një konferencë shtypi se ekzekutivi i unionit është shumë i fokusuar në sigurinë kibernetike, duke refuzuar të japë detaje të mëtejshme.

Ndalimi do të thotë gjithashtu se stafi i Komisionit Evropian nuk mund të përdorë TikTok në pajisjet personale që kanë të instaluar aplikacione zyrtare.

Linku: https://www.bbc.com/news/technology-64743991

Burimi i fotos:pexele.com