Në Festivalin Hay në Uells, Dua Lipa u ngjit në skenë dhe përveç muzikës, ndau edhe një pjesë të saj. Ajo foli për fëmijërinë e saj, përvojat e saj të rritjes në Angli dhe Kosovë, dhe se si e motivuan atë të ndjekë ëndrrën e saj dhe të bëhet një yll i popit.
Ndër të tjera Dua Lipa zbuloi se emri i saj i shkaktoi edhe pak konfuzion kur ishte më e re. Emri “Dua” në shqip vjen nga folja dëshiroj, i frymëzuar nga janë prindërit e saj.
“E kuptova dualitetin e trashëgimisë sime që në moshë të re”, tha ajo në festivalin Hay, përmes BBC-së.
“Njerëzit gjithmonë pyesnin se nga është emri im. Unë isha vërtet krenare për këtë, por kur isha më e ri doja që emri im të ishte, të themi, Hannah, diçka ‘normale’ në anglisht.”
Këngëtarja foli për fëmijërinë e saj duke shpjeguar se “ka pasur gjithmonë dëshirë për të qenë nga dy vende njëherësh”.
Lipa lindi në Londër pasi prindërit e saj u transferuan atje për t’i shpëtuar luftës në Kosovë. Ajo u kthye përsëri në moshën 11-vjeçare, përpara se të kthehej në Mbretërinë e Bashkuar në moshën 15-vjeçare për të përfunduar shkollimin dhe për të filluar karrierën e saj muzikore.
“Babai im thotë se është e vështirë të më thuash jo. Unë insistova shumë. Sapo kisha filluar të shkruaja shumë, punoja me një producent. Isha 17 vjeç. Më ofruan një marrëveshje por (producenti) Felix më tha të merrja një avokat, i cili më tha të mos firmosja. Më pas më ndihmuan të hyja në studio”, përfundoi ajo.
Burimi i fotos: https://www.instagram.com/p/Cs1HajzMP2q/?utm_source=ig_web_copy_link&igshid=MzRlODBiNWFlZA==