Aktori dhe komediani amerikan, Jamie Foxx ka kërkuar falje publike, pasi së fundmi ai ndau një postim të diskutueshëm në Instagram, që shumë e konsideruan si “antisemitik”.
“Dua t’i kërkoj falje komunitetit hebre dhe të gjithë atyre që u ofenduan nga postimi im”, shkroi fituesi i “Oscars”, në Instagram.
“Tani e di që zgjedhja ime e fjalëve ka shkaktuar ofendim dhe më vjen keq. Ky nuk ka qenë kurrë qëllimi im”, ka shtuar ai.
Foxx, 55 vjeç, vazhdoi duke shpjeguar se çfarë besonte se mesazhi i postimit të tij do të thoshte vërtet.
Postimi i Jamie Foxx.
“Për ta sqaruar, unë u tradhtova nga një mik i rremë, prandaj e kisha me të dhe jo asgjë më shumë. Unë kam vetëm dashuri në zemrën time për të gjithë”, shtoi tutje ai.
Ylli i “Ray” përfundoi duke ripohuar: “Unë e dua dhe mbështes komunitetin hebre. I kërkoj ndjesë më të thellë kujtdo që u ofendua. Asgjë veç dashurisë gjithmonë”.
Kërkimi i faljes së Foxx u prit me reagime të ndryshme, por kryesisht reagime pozitive.
“Gëzohem që e shoh këtë, jam fans i madh yt dhe nuk di çfarë të mendoj për këtë postim, faleminderit për postimin e kësaj faljeje dhe fat të mirë në rimëkëmbjen tënde të vazhdueshme”, komentoi një person.
Një tjetër shtoi – “Unë jam hebre dhe mendova se ishte një hap i tmerrshëm ta quaj atë antisemitik. E dija saktësisht se çfarë doje të thuash. Të gjithë duhet të qetësohen”.
Linku: https://phonemantra.com/jamie-foxx-apology-to-jewish-community-for-social-media-post/