Ndahet nga jeta artistja e ‘One Foot in the Grave’

Aktorja Doreen Mantle vdiq në moshën 97-vjeçare. Lajmin e bëri të ditur agjenti i saj.

Aktorja ishte e njohur për interpretimin e saj si Jean Warboys, në serialin komedik të BBC-së One Foot in the Grave.

Ajo gjithashtu luajti në serialin detektiv të BBC-së Father Brown, si dhe u shfaq në televizionin ITV Coronation Street si Joy Fishwick.

Në një deklaratë, agjenti i saj tha: “Me pikëllim të madh njoftojmë vdekjen e artistes tonë të skenës, ekranit dhe radios, Doreen Mantle.

Ajo ka lënë pas dy djemtë, katër nipërit dhe një vëlla.”

Sukseset e tjera të saj në ekran përfshijnë serialin My Family, Doctors, Dirk Gently, Jam and Jerusalem, Doc Martin, Jonathan Creek dhe filmin Yentl.

Puna skenike e Mantle përfshinte Vdekjen e një Shitësi për Teatrin Kombëtar, për të cilin ajo fitoi një çmim Olivier në 1979 për aktoren më të mirë në një rol dytësor.

Këtë vit, ajo u shfaq në One Foot in the Grave: 30 Years of Laughs të Channel 5, në të cilën ajo kujtoi episodin The Beast in the Cage.

Linku: https://www.theguardian.com/tv-and-radio/2023/aug/09/one-foot-in-the-grave-actor-doreen-mantle-dies-aged-97

Burimi i fotos:pexele.com