iPhone 15 – me kamerë 48 megapikselë – mbërriti

Apple ka zbuluar të riun iPhone 15 me një ekran më të ndritshëm dhe një kamerë 48 megapikselë.

Po ashtu me përbërje kobalti 100 për qind të ricikluar në baterinë e tij.

E gjitha në mes të një rënieje globale të telefonave inteligjentë dhe problemeve me shitjet në Kinë.

Ngjarja në selinë e Apple në Cupertino, Kaliforni, vjen mes pasigurisë së vazhdueshme ekonomike, veçanërisht në Kinë, tregu i tretë më i madh i Apple-it.

Atje kompania përballet me sfida nga kufizimet e zgjeruara në përdorimin e iPhone-ve në zyrat qeveritare.

Sakaq, Apple-i ka prezantuar edhe një orë të re Seria 9 me një veçori të quajtur “trokitje e dyfishtë”, për të kryer detyra të caktuara.

Ora përdor mësimin e makinerive për të zbuluar ndryshime të vogla në rrjedhën e gjakut kur përdoruesi prek gishtat së bashku, duke liruar dorën tjetër për detyra të tjera.

Apple Watch Ultra 2 ka veçori të reja për çiklizëm dhe zhytje dhe ajo që Apple ka thënë është ekrani më i ndritshëm që ka bërë ndonjëherë.

Apple nuk do të përdorë më lëkurë në asnjë prej produkteve, sipas Lisa Jackson, shefja mjedisore e kompanisë.

Kompania po zëvendëson disa nga këto produkte me një tekstil të quajtur FineWoven që duket si kamoshi.

Ndërkohë, shefi ekzekutiv Tim Cook ka thënë se Apple-i është në rrugën e duhur për të dërguar kufjet e saj Vision Pro me realitet të përzier në fillim të vitit të ardhshëm.

Teksa kompania po prezanton veçori dhe produkte të reja, iPhone përbën më shumë se gjysmën e shitjeve të Apple-it prej 394.3 miliardë dollarësh vitin e kaluar.

Por tregu global i telefonave inteligjentë ka rënë nga shitja e 294.5 milionë telefonave gjithsej në 268 milionë në tremujorin e dytë.

Megjithatë, dërgesat e Apple-it ranë më së paku nga çdo prodhues i madh i telefonave inteligjentë, duke rënë nga 46.5 milionë telefona në 45.3 milionë.

Linku: https://mashable.com/article/apple-event-iphone-15-plus-announcement

Foto: Freepek.com