Bad Bunny është padyshim artisti më i suksesshëm gjatë viteve të fundit. Këngëtari portorikan ka prodhuar hit pas hiti. Megjithatë, albumi i tij i fundit ka marrë komente të ndryshme nga kritikët dhe fansat, shenjë se periudhës së artë ndoshta po i vjen fundi.
Gjërat janë përkeqësuar kohët e fundit pasi një këngë e “Bad Bunny”, e krijuar nga inteligjenca artificiale është bërë virale në TikTok. Kënga në të cilën janë përfshirë edhe zërat e Justin Bieber dhe Daddy Yankee ka marrë mijëra shikime.
Portorikani ka sulmuar fansat në kanalin e tij WhatsApp, duke thënë se ata që e kanë pëlqyer këtë këngën nuk e meritojnë të jenë miqtë e tij madje u shpreh se nuk i dëshironte ata në koncerte.
Por nuk vonoi shumë përgjigja e fansave të cilët kanë ironizuar këngëtarin në rrjetet sociale duke shpërndarë meme të ndryshme. Disa janë shprehur se kënga ishte më e mirë se i gjithë albumi i tij. Marrëdhënia e Bad Bunny dhe fansave ka qenë disi e tensionuar që nga fillimi i vitit pasi ai hodhi telefonin e një fanseje në ujë.
Linku: https://www.rollingstone.com/music/music-latin/bad-bunny-response-throwing-fan-phone-1234655208/