Aktorja amerikane, Gwyneth Paltrow mund të bindet t’i rikthehet ekrani, por vetëm nëse telefonon personi i duhur.
Në një intervistë të fundit, themeluesja e “Goop” zbuloi për Entertainment Tonight, transmeton AlbanianPost, se pavarësisht se ishte e preokupuar si CEO e markës së saj të stilit të jetesës, bashkë-ylli i saj i “Iron Man”, Robert Downey Jr. mund ta bindte atë të rikthehej pranë kamerave.
“Do të ishte shumë e vështirë për mua të bëja ndonjë aktrim si duhet për momentin, vetëm për shkak të punës sime”, shpjegoi Paltrow.
“Por, mendoj se Robert Downey Jr mund të më kthejë gjithmonë, besoj se e dini këtë gjë”, ka shtuar ajo.
Ndikimi i Downey Jr. nuk duhet të jetë befasi.
Aktorët u bënë të afërt pas viteve të ndarjes së ekranit dhe madje edhe përpara se “Iron Man” të nxiste një univers kinematografik, Paltrow që në vitin 2007 pati thënë se Downey Jr ishte një faktor vendimtar në nënshkrimin e saj në film në radhë të parë.
Ajo shpjegoi se projekti tërhoqi vëmendjen e saj “për shkak të njerëzve të përfshirë”.
Linku: https://people.com/gwyneth-paltrow-says-robert-downey-jr-could-get-her-back-to-acting-8391622