Aktorja, Vanessa Hudgens u pa e veshur me një fustan të bardhë mes thashethemeve se ajo është martuar me bejsbollistin, Cole Tucker.
Gjatë fundjavës, në platformën X (ish-Twitter) u shfaq një foto e aktores, 34 vjeçe, duke pozuar në plazh zbathur me një fustan të bardhë nusërie.
Duke nxitur më tej spekulimet se Hudgens festoi dasmën e saj, mikesha e saj, Monique Coleman postoi një video në Instagram duke treguar pamjet e një mjedisi tropikal në Tulum të Meksikës, ku besohet se u zhvillua dasma.
“Mëngjesin e kaluar në parajsë”, ka shkruar Coleman në mbishkrim – por, akoma asgjë zyrtare nuk është konfirmuar nga çifti.
Hudgens dhe Tucker, 27 vjeç, fillimisht ndanë lajmin se ishin fejuar në një postim të përbashkët në Instagram më 9 shkurt
“Po. Ne nuk mund të ishim më të lumtur”, shkroi dyshja, krahas një fotoje të çiftit të përqafuar pranë Seine në Parisi dhe një imazh nga afër i unazës së diamantit në formë ovale të Hudgens.
Ylli i “Downtown Owl” tha për People në mars se propozimi e befasoi plotësisht.
“Ne kishim biseduar patjetër për këtë, por nuk e prisja të ndodhte ashtu siç ndodhi dhe në momentin që ndodhi”, tha ajo.
“Padyshim që më zuri në befasi”, shtoi ajo.
Hudgens u hap në lidhje me planifikimin e dasmës në fillim të këtij viti gjatë një paraqitjeje në “The Drew Barrymore Show”, duke pranuar se procesi e bëri atë të ndjehej pak “e humbur”.
“Është e vështirë,” i tha ajo prezantuesit Drew Barrymore.
Linku: https://people.com/tv/vanessa-hudgens-and-cole-tucker-relationship-timeline/