Alpet shqiptare janë në listën e New York Times, për vendet që duhen vizituar patjetër në 2024

Shqipëria shquhet për një vijë bregdetare të larmishme dhe për turizmin e saj veror, i cili çdo vit e më shumë po kthehet në turizëm vjetor, mes kalave të vjetra dhe bukurive të shumta natyrore në gjithë territorin.

Por, dikur të nënvlerësuara, sot më shumë se kurrë më parë po kthehen sytë edhe për nga Alpet shqiptare, të cilat kanë hyrë tashmë edhe në listën e prestigjiozes amerikane The New York Times, si një ndër 52 vendet, të cilat duhen vizituar patjetër në vitin 2024.

Mes vendeve historikisht turistike me famë ndërkombëtare, si Parisi, Colorado në SHBA, Valencia, Japonia, apo Viena, Gjeneva dhe Singapori, radhiten tashmë edhe Alpet shqiptare.

Arsyet më të rëndësishme, përtej peizazhit të jashtëzakonshëm, janë edhe risitë me aventura dhe natyrës mahnitëse që Alpet ofrojnë.

Një përshkrim të detajuar për New Yor Times e bën gazetarja Isabella Kwai, e cila përmend edhe hyrjet e reja të kompanive me kosto të ulët për fluturime, të cilat e lehtësojnë edhe më tej ardhjen në Shqipëri.

Çfarë shkruan New York Times për Alpet shqiptare?

Vargmali i largët malor në Shqipërinë veriore, i njohur si Bjeshkët e Nemuna, ose Alpet Shqiptare (edhe pse arrin edhe në Mal të Zi dhe Kosovë), ka mahnitur prej vitesh alpinistët që kërkojnë qetësi midis majave të tij.

Por, mund të mos jetë paqësore për një kohë të gjatë: Linjat ajrore buxhetore si Ryanair dhe Wizz njoftuan rrugë të reja për në Shqipëri, duke i bërë liqenet e saj të qelqtë dhe milje me shtigje relativisht të paprekura më të aksesueshme për eksploruesit që kërkojnë një parajsë të përballueshme.

Dikur të arritshme vetëm me makinë me katër rrota, fshatrat veriore si Thethi tani janë të arritshme nga një rrugë malore e ngushtë por e asfaltuar, megjithëse shoferët mund të kenë ende nevojë të presin për një ose dy lopë që kalon.

Vizitorët mund të qëndrojnë me vendasit në bujtina ose në ferma për të parë një pamje të jetës rurale përpara se të ecin në Qafën e Valbonës brenda një parku kombëtar që përfshin rreth 200 mijë hektarë për të parë luginat e shpërndara me lule të egra dhe për të parë barinjtë që kujdesen për kopetë e tyre.

Linku:https://www.nytimes.com/interactive/2024/travel/places-to-travel-destinations-2024.html

Foto: Freepik.com