Komedia nis xhirimet në shkurt në ishujt tajlandezë
Ylli i Blackpink, Lisa po i bashkohet kastit të serialit të vlerësuar me çmime ‘The White Lotus’. Seria e tretë e serialit televiziv hit të HBO-së mbi turistët e pasur po zhvendoset në Tajlandë, në atdheun e Lizës. Xhirimet e komedisë së errët do të fillojnë këtë muaj në Bangkok dhe në ishujt Phuket dhe Kho Samui.
Ende nuk është bërë i ditur roli që do të luajë Lisa, emri i plotë i së cilës është Lalisa Manoba. Yje të tjerë i bashkohen kastit për sezonin e tretë si: Parker Posey, Jason Isaacs, Leslie Bibb, Iron Man, e të tjerë. Lisa është një nga personazhet më të njohur të Tajlandës. Ndërsa ky është roli i saj i parë i madh në aktrim, ajo luajti në një dramë tajlandeze kur ishte fëmijë në vitin 2007.
Superyjet e K-pop Blackpink së fundmi rinovuan kontratën e tyre të agjencisë si grup, për të performuar së bashku. Blackpink, i formuar në vitin 2016, është bërë grupi më i madh i vajzave K-pop në botë. Kontrata e re besohet të jetë ndër më fitimprurësit e nënshkruar nga çdo grup muzikor këtë vit.
Linku: https://www.reuters.com/business/media-telecom/blackpink-k-pop-star-lisa-join-cast-white-lotus-variety-2024-02-13/
Foto: https://www.instagram.com/blackpinkofficial/