Duket se Soiree me Jonida Shehun në Top Channel, ka qenë “pa maska” pasi të ftuarit me nga një gotë verë në dorë, kanë treguar publikisht disa të vërteta.
Një prej të vërtetave, ishte edhe ajo e gazetares së njohur, Iva Tiço lidhur me marrëdhënien e saj me bloggerin, Olti Curri.
Të përfshirë nga tema e bisedës lidhur me showbizzin, gazetarinë dhe të vërtetën, Iva ka treguar pse kishte frikë nga Olti dhe gjithashtu ka rrëfyer çfarë e bëri të ndryshojë mendim për influencerin e njohur.
“E kam parë si pjesa tjetër, dhe kam qenë si pjesa tjetër që nuk e kuptoja që kishte diçka personale por ai është duke bërë punën e tij në Facebook. Thoja ça është ai njeriu që shan në Facebook, ça ka ai me mua!”, – ka rrëfyer Tiço. “Dhe kur e takova për herë të parë isha: ‘Do më flasë ky njeriu mua tani se ky më ka inat, ky më shan?’ Por Olti më takoi normal dhe thashë ky qenka rob i mirë, nuk qenka njeriu i Facebookut.”
“Pastaj kuptova që kjo është punë! Nëse Olti ngacmon shikuesit e tij me diçka kur jam unë në ekran, duke bërë një batutë për mua është shumë okay. Është një gjë që unë e kam bërë me median e shkruar”, – u shpreh Iva.
Link: https://youtu.be/21pBh_6qnH8?t=965
Burimi i fotos kryesore: ©Top Channel