Sylvester Stallone ka folur për marrëdhënien me bashkëshorten e tij, Jennifer Flavin, me të cilën është i martuar prej 29 vitesh. I pyetur gjatë një bisede për CBS Sunday Morning se çfarë do të ndryshonte në jetën e tij, aktori tha se do të kishte dashur të martohej me të rreth tetë vjet më herët.
Stallone pranoi se e kishte shtyrë vendimin për martesë dhe se, edhe sot, vazhdon të mësojë si të ndërtojë një marrëdhënie. Kur u pyet nëse vështirësitë e tij mund të lidheshin me mungesën e dashurisë gjatë fëmijërisë, ai u përgjigj se kjo ishte e mundur. Sipas aktorit, përvojat e hershme mund të lënë gjurmë që një njeri i mbart për shumë vite.
Ai e përshkroi lidhjen me Flavin si një marrëdhënie që e ka ndihmuar të mësojë ta shprehë dashurinë më mirë. Dyshja u njoh në vitin 1988 dhe u martua në vitin 1997. Ata kanë tri vajza, Sophia, Sistine dhe Scarlet.
Martesa e tyre kaloi një periudhë të vështirë në vitin 2022, kur Flavin paraqiti kërkesë për divorc. Çifti u pajtua pak më vonë. Duke reflektuar për atë kohë, Stallone ka pranuar se i kishte dhënë punës përparësi ndaj familjes, një zgjedhje që më pas e konsideroi gabim.
Burimi;cbsnews.com