Kinematografia në zi, ndërron jetë komediani i njohur
0
0
Ka ndërruar jetë në moshën 86 vjeçare komediani i njohur Fred Williard.
Lajmi është dhënë nga e bija e aktorit përmes një statusi në rrjetet sociale ku shkruan: “Babai im vdiq në paqe në moshën 86 vjeçare. Ai ishte në lëvizje, duke punuar dhe duke na bërë të lumtur deri në fund. Ne e deshëm shumë dhe do të na mungojë gjithmonë”.
Ai ndërroi jetë dy vite pas largimit nga jeta të bashkëshortes së tij me të cilën kaloi 50 vite të jetës.
Aktori është i famshëm për disa role të famshme në seriale dhe komedi.
Ai ka luajtur rolin e John Forester në serialin “Beautiful”.
Aktori është nominuar tre herë për çmimin Emmy si aktori më i mirë në një serial komedie në 2010.
Gjatë gjithë karierës së tij, aktori numëron mbi 300 role.