Bilanci i orëve të fundit, 6 viktima dhe 122 raste të reja

6 persona kanë humbur jetën nga COVID-19 gjatë 24 orëve të fundit ndërsa 122 raste të reja janë rregjistruar në të gjithë vendin.

Ky është bilanci i fundit i bërë publik nga Ministria e Shëndetësisë e cila vijon të bëjë apel për të mbajtur maskat në ambjente të mbyllura si dhe për të respektuar rregullat e higjenës.

Ndërkaq situata vijon të jetë problematike në të dyja spitalet në vend ku aktualisht ndodhen të shtruar 185 pacientë, 22 në terapi intensive dhe 8 të intubuar.

Gjatë 24 orëve të fundit bëhet me dije se janë shëruar 141 persona duke rregjistruar një tjetër ditë ku numri i të shëruarve është më i lartë se ai i të rasteve pozitive ditore.

Link: https://www.youtube.com/watch?v=CsfluuqUK3A

Burimi i fotos: https://new.shendetesia.gov.al/