Udhëtimet gjithmon janë cilësuar si shpëtimtarë nga lodhja, stresi dhe ankthi. Shumë njerëz vendosin që të bëjnë udhëtime për t’u larguar rutinës së lodhshme të përditshmërisë. Por ndodh që shpeshherë edhe ato mund të kthehen në stres më vete tek disa njerëz duke e kthyer udhëtimin e shumëpritur në një përvojë negative. Stresi që shkaktohet nga udhëtimi ngjason me një ndjenjë presioni dhe ankthi që lidhen kryesisht me disa arsye si me përgatitjet, pritshmëritë, shqetësimet për sigurinë e destinacionit, ecurinë e pushimeve të planifikuara, përballjet me të papriturat e paplanifikuara, gjendja financiare etj.
Do të listojmë disa këshilla për të reduktuar këtë gjendje stresuese gjatë pushimeve tuaja. Këto këshilla bazohen në kërkime psikologjike dhe nga përvojat personale të udhëtimeve.
Mos i lini gjërat për në momentin e fundit!
Lini mënjanë një kohë të dedikuar për të punuar për planifikimin e udhëtimit.
Të planifikosh paraprakisht udhëtimin tuaj do t’iu ndihmojë të nisni të kurseni para për të.
Përpara se të vendosni përfundimisht për vendin ku do i kaloni pushimet tuaja mundohuni të informoheni mbi sigurinë që ofrojnë. Përveç faqeve që i reklamojnë shihni dhe komentet rreth përvojave të mëparshme të njerëzve të tjerë.
Mundohuni që të bëni rezervimin e udhëtimit tuaj përpara se të vijë sezoni i pushimeve pasi mund të ketë kosto më të ultët dhe do t’iu kursejnë para që mund t’i shpenzoni për arsye të tjera.
Rezervoni një udhëtim që mund të përballoni financiarisht. Planifikoni një buxhet sa mendoni se do të shpenzoni përgjatë pushimeve që të keni një ide rreth kostos.
Qëndroni me këmbë në tokë dhe mos prisni që destinacioni që keni përzgjedhur mos të ketë asnjë të metë. Çdo destinacion ka aspektet pozitive dhe negativet e veta. Fokusohuni tek pozitivet dhe i shijoni ato.
Nëse shqetësoheni për shtëpinë pas largimit me pushime, atëherë mundohuni të gjeni dikë që të kujdeset herë pas here për të. Kjo mund shmangi stresin dhe nuk do të jeni me mendjen pas, por do të shijoni pushimet tuaja.
Mundohuni që të përqëndroheni tek kënaqësitë që po iu ofron udhëtimi juaj duke i lënë mënjanë rrjetet sociale. Përpiquni ta mbani jetën tuaj private dhe kështu do të jeni më të qetë dhe do t’i shijoni në maksimum pushimet tuaja.
Linku:https://independenttravelcats.com/travel-stressful-tips-for-prevent-reduce-travel-stress/
Burimi i fotos: pexels