Ylli i Spider-Man u rikthye në Instagram pas një kohe të gjatë larg tij.
Ai foli rreth arsyes së largimit të tij nga rrjetet duke zbuluar se përfshirja në internet ndikon në shëndetin e tij mendor.
“Kam bërë një pushim nga rrjetet sociale për shëndetin tim mendor, sepse mendoj se Instagram dhe Twitter janë tepër stimuluese, dërrmuese.Lexoj shumë gjëra për mua në internet, është shumë e dëmshme për gjendjen time mendore. Kështu që vendosa të bëj një hap prapa dhe të fshij aplikacionin.”
Ajo që e nxitit aktorin të rikthehej shkurt në Instagram lidhet me “The Brothers Trust, i Stem4Org”, një shoqatë bamirëse me bazë në Mbretërinë e Bashkuar e angazhuar për ndërgjegjësimin për shëndetin mendor të adoleshentëve.
“Të kërkosh ndihmë nuk është diçka për të cilën duhet të kesh turp, por është diçka që është shumë më e lehtë të thuhet sesa të bëhet.
Pra, shpresojmë se këto aplikacione mund të jenë hapi juaj i parë drejt të qenit më të lumtur dhe më të shëndetshëm”, është shprehur Holland.
Burimi i fotos: https://www.instagram.com/p/CO0d03ilIOt/?utm_source=ig_web_copy_link