“Nderi i Kombit” Ndahet nga jeta mjeku i njohur shqiptar në SHBA

Është ndarë nga jeta në moshën 78 vjeçare mjeku shqiptaro – amerikan,  i njohur ndërkombëtarisht, Filip Çaushaj.

Mjekja Lida Shosha ka qënë ajo që ndau lajmin e hidhur në rrjetin social Facebook  ku tregon dhe bisedën e fundit me të.

“Të dua, motra ime. I thuaj miqve në Shqipëri, që i dua. Po vdes me buzëqeshje. E ndërsa lotët e mi ridhnin çurg, sepse sdoja të pranoja largimin e mikut tim të shtrenjtë, Ai, përtej  oqeanit, më thoshte “Mos qaj,motra ime, shpyrti ime. Kam çunin këtu me mua, nuk jam vetëm”, shkruan ajo.
Ai Filip Çaushaj lindi në New York, u formua në Shtetet e Bashkuara të Amerikës dhe u dekorua nga Presidenti Obama, por për asnjë çast nuk e harroi origjinën e tij shqiptare.

Me një karrierë të spikatur doktor Filip Çaushaj është pioner në kirurgjinë laparaskopike të zorrës së trashë dhe është vlerësuar me tituj në shumë  spitale dhe universitete nëpër botë.

Në shtatorin e vitit 2016, ish-presidenti i Republikës Bujar Nishani e vlerësoi me titullin “Nderi i Kombit” në një organizim për promovimin e vlerave të shqiptarëve të suksesshëm nëpër botë.

“E deshi shumë vendin e origjinës, Shqipërinë, i deshi shumë shqiptarët, ndihmoi pamasë e frymoi deri në fund për Shqipërinë. CV e mjekut legjendë është aq e pasur sa nuk  e nxënë dot këto reshta, mjeku i nderuar kudo në bote, por më i pasur ishte shpirti i tij fisnik, i mençur, modest, bujar, dashamires, përtej çdo limiti njerëzor që kam njohur deri më sot.  Sot humba një mik të shtrenjtë, parajsa fitoi një legjendë”, shkruan mikja e tij Lida Shosha.

Linku: https://www.facebook.com/lida.shosha

Burimi i fotos: freepik.com