- Përqendrohuni në dashurinë për veten.
Disa mënyra për ta bërë këtë janë: jini të durueshëm dhe të dhembshur me veten, lironi standardet perfeksioniste, kujtojini vetes të gjitha cilësitë dhe talentet tuaja të mrekullueshme dhe jepini vetes lavdërim dhe inkurajim.
Të bësh një meditim rreth dashurisë për veten është veçanërisht ngushëlluese dhe ngritëse. Është e mrekullueshme t’i japësh vetes atë që do dhe ke nevojë.
- Dëgjoni fëmijën tuaj të brendshëm, pa rezistencë.
Lëreni atë të ndiejë dhe të shprehë atë që po kalon dhe të pikëllohet kur ka nevojë. Lërini të kuptojë se jeni gjithmonë aty për ta dëgjuar dhe për ta dashur.
Kur fëmija juaj i brendshëm ndihet i zemëruar, duhet të përpiqesh ta qetësosh atë.
- Vini re se si ndiheni në trupin tuaj kur jeni të mërzitur.
Ndërsa vëzhgoni ndjesitë tuaja të pakëndshme, emërtoni ato. Për shembull, ndjej rëndim në gjoks, më vjen të qaj, krahët e mi janë të ngrohtë, koka më duket sikur do të shpërthejë, stomaku më dhemb, muskujt më janë shtrënguar.
Ndërsa thjesht i lejoni ndjesitë tuaja të jenë, do të vini re se ato fillojnë të shpërndahen vetë. Provoje. Do të habiteni.
- Kërkoni dikë tjetër për atë që ju nevojitet.
Këtu janë disa shembuj të gjërave që mund t’i kërkoni: një masazh, një favor, dikë që t’ju dëgjojë ose t’ju ndihmojë të zgjidhni problemin, ose një takim me partnerin, një mik ose anëtar të familjes.
- Merrni pjesë në aktivitete të këndshme për t’ju ndihmuar të dilni nga gjendja e rënduar brenda vetes dhe në momentin aktual.
Disa gjëra që mund të bëni janë: meditoni, kaloni kohë me (ose telefononi) një mik ose anëtar të familjes, lexoni, bëni një hobi që ju pëlqen, dëgjoni muzikë, bëni një banjë të nxehtë, shikoni shfaqjen tuaj të preferuar televiziv ose një film, ose trajtojeni veten me diçka që keni dashur.
Kalimi i kohës në natyrë do t’ju ndihmojë pa masë. Natyra të jep një paqe dhe gëzim të pashpjegueshëm që të befason dhe të rinon.
- Përqendrohuni në mendimin “Të gjitha gjërat janë të mundshme”.
Vetëm duke pushuar do të shihni se mundësitë do të shpalosen.
“Në mënyrë specifike i kujtoj vetes se është e mundur që unë: të ndihem mirë fizikisht dhe emocionalisht, të jem i përmbushur dhe i begatë dhe të kem dashuri, gëzim dhe paqe në jetën time. Kur e bëj këtë, ndonjëherë emocionohem ndërsa parashikoj ndryshimet dhe mrekullitë që do të vijnë”, thotë Aba.
- Përdorni një vizualizim për të çliruar mendimet tuaja të dhimbshme.
Në syrin e mendjes suaj, vendosni mendime negative mbi gjethe dhe shikojini ato të fluturojnë me butësi në drejtim të rrymës, ose vendosni fjalët shqetësuese në një tren dhe shikoni ato duke u larguar.
“Kur i bëj këto ushtrime, vendos distancë mes vetes dhe asaj që më shqetëson dhe ndihem më i lehtë”.
- Praktikoni mirënjohjen për kohët e mira.
Vini re kur nuk jeni në depresion dhe gjeni kohë për të qenë plotësisht të pranishëm në ato momente dhe për t’i vlerësuar ato. Vini re se si ndiheni në trupin tuaj të mos jeni në depresion.
Duhet të mësoni ndryshimet që ndodhin në mendjen dhe trupin tuaj kur jeni në depression, vetëm në këtë mënyrë do të njiheni me të dhe do ta ndihmoni për ta kapërcyer.
- Jini produktiv.
Ndonjëherë ajo që ju nevojitet për të dalë nga gropa e depresionit është të jeni produktiv. Ju mund të bini në depresion sepse nuk po bëni gjëra të rëndësishme, ose mund të jeni në depresion për shkak të një situate që ju ka dale jashtë kontrollit. Në të dyja këto raste, produktiviteti mund t’ju bëjë të ndiheni mirë me veten dhe të rrisë ndjeshëm disponimin tuaj.
- Lëreni dashurinë të hyjë.
Rrethojeni veten me njerëz positive, të dashur që të falin marrëdhënie të shëndetshme. “I kujtoj vetes se meritoj të kem marrëdhënie që më bëjnë të ndihem mirë dhe ushqyese. Mund t’i jap vetes hapësirë në marrëdhënie të caktuara dhe të liroj të tjera që nuk më funksionojnë.
Mbaj mend që njerëzit më duan, edhe nëse nuk e tregojnë ashtu siç dua unë. E di që po bëjnë më të mirën që munden. Unë i fal ata për mënyrën se si më kanë lënduar ose më kanë zhgënjyer, dhe kjo më jep pak qetësi.
Linku: https://tinybuddha.com/blog/dealing-with-depression-10-ways-to-feel-positive-and-peaceful/
Burimi i fotos: pexels.com