Katy Perry dhe Orlando Bloom hidhen në gjyq nga pronari i banesës së tyre.
Katy Perry dhe i fejuari Orlando Bloom po shkojnë në gjyq me një veteran 83-vjeçar, i cili pretendoi se ai i shiti çiftit shtëpinë e tij në Santa Barbara, prej 15 milionë dollarësh, ndërsa ishte në gjendje jo të mirë shëndetësore dhe ilaaçeve që po merrte ka mësuar RadarOnline.com.
Çështja së shpejti do të shkojë në gjykatë pas një beteje ligjore trevjeçare që rrjedh nga shitja që u bë në korrik 2020. Ditë përpara se të nënshkruante dokumentin, Carl Westcott u lirua nga spitali pasi iu nënshtrua një operacioni 6-orësh në shpinë.
Pasi efektet e ilaçeve kundër dhimbjeve u zhdukën, Westcott pretendoi se e kuptoi se nuk ishte ajo që donte dhe e anuloi kontratën. Paditësi vuan nga sëmundja e Huntingtonit. Megjithatë, agjentët e tyre kërcënuan me padi nëse ai nuk do të vazhdonte me shitjen e pronës së tij.
Në dosjen e tij gjyqësore, përmbledhja e veprimeve të Westcott kërkoi që kontrata të shpallej e pavlefshme me arsyetimin “i mungonte aftësia mendore për të kuptuar natyrën dhe pasojat e mundshme”, duke vënë në dukje se ai kurrë nuk e listoi pronën.
“Pas daljes nga spitali, zotit Westcott iu përshkruan të paktën dy opiate në formë pilule që do të vazhdonte t’i merrte për dhimbje, të cilat i merrte siç ishte përshkruar disa herë çdo ditë”, sipas ankesës së raportuar për herë të parë nga Daily Mail. “Kombinimi i moshës së tij, dobësia nga gjendja e tij e shpinës dhe operacioni i fundit, dhe opiumet që ai merrte disa herë në ditë, e bënë zotin Westcott me mendje të pashëndetshme.”
Linku: https://radaronline.com/p/katy-perry-orlando-bloom-legal-battle-veteran-15-million-santa-barbara-mansion/
Burimi i fotos:https://www.facebook.com/search/photos/?q=