WhatsApp po vjen me një risi të ‘bezdisshme’ për përdoruesit

WhatsApp ka deklaruar se po mendon që të shfaqë reklama në sektorin “Status”.

Në një intervistë me mediat braziliane, kreu i WhatsApp, Will Cathcart, tha se kompania nuk po planifikon të shfaqë reklama në kutinë kryesore hyrëse, por po luan me idenë për t’i shfaqur ato në vende të tjera.

Lajmi vjen një javë pasi Meta njoftoi një plan pa reklama për përdoruesit e Facebook dhe Instagram në BE, duke nënkuptuar planet e tij për të testuar reklamat dhe abonimet në të gjitha platformat e saj.

Në shtator, u raportua se Meta po eksploronte vendosjen e reklamave brenda listave të bisedave në ekranin fillestar të WhatsApp-it të një përdoruesi. Në atë kohë, Cathcart dhe ekipi i tij e mohuan këtë, duke thënë se ata as nuk po testonin dhe as nuk po punonin për të.

Ndërsa lajmet e kësaj jave vijnë si një kthesë ndaj atyre raporteve, Cathcart ishte shumë i qartë se reklamat nuk do të shfaqeshin në kutinë hyrëse dhe vendosja e tyre do të kufizohej në “Status”.

Linku: https://www.geo.tv/category/sci-tech

Burimi i fotos: pexele.com