Amos Zaharia në daljen e tij të fundit ka folur rreth jetës sentimentale. Ai më një moment është ndalur tek raporti me Elian.
E motra ka kaluar një periudhë jo të lehtë së fundmi për shkak të bujës që bëri divorci i saj. Kjo situatë duket se thjeshtë i ka bashkuar më shumë. Amos u shpreh se do të jetë aty gjithmonë për të sa herë të ketë nevojë.
Kemi raport shumë të mirë, Elia është një mikeshë shumë e mirë. Ka këshilla praktike dhe është me këmbë në tokë. Unë deri në moshën 12-13 vjeçare kam qenë një makth për familjarët e mi. Prindërit na kanë dhënë të dyve dashuri të pakushtëzuar. E ndjej veten me shumë fat. Ne jemi gjithmonë protektivë ndaj njëri-tjetrit. Sa herë që secili nga ne përballet me një sfidë familja është mbështetja e parë. Unë jam pranë Elias me gjithë qenien time kur ajo ka nevojë për mua.
Problemet i bashkojnë edhe më shumë njerëzit sepse krijohet më shumë ndjesia e unitetit. Unë jam aty për të sa herë ajo të ketë nevojë dhe anasjelltas.
Askush nuk e do divorcin. Në momentin që gjen një person me të cilin martohesh, mendon se kërkimi i gjysmës tënde ka marrë fund, ndodh që nuk është gjithmonë ky rasti. Këto janë njerëzore. Patjetër që është tronditëse për mua si vëlla, si miku i saj më i mirë. Por nga ana tjetër kjo tronditje nuk do të ndihmojë që kjo gjë të mos kishte ndodhdur. Duhet të përballesh me faktet dhe të ecësh përpara. Ne këtë po bëjmë. Çdo gjë është kalimtare në jetë”, tha ai në Vizion Plus.
Linku: https://www.youtube.com/watch?v=ptFK-OAwpF4
Burimi i fotos:https://www.youtube.com/watch?v=ptFK-OAwpF4