Angelina Jolie feston 51-vjetorin me fëmijët e saj, ndërsa tensionet me Brad Pitt vazhdojnë

Angelina Jolie ka festuar ditëlindjen e saj të 51-të në një atmosferë familjare dhe të qetë në Los Angeles, e rrethuar nga fëmijët e saj, në një periudhë kur marrëdhëniet me ish-bashkëshortin Brad Pitt vazhdojnë të jenë në qendër të vëmendjes mediatike.

Aktorja fituese e çmimit Oscar u fotografua në një dalje të thjeshtë dhe pa shumë bujë, e veshur me një pulovër gri, pantallona dhe syze, ndërsa kalonte kohë me djemtë e saj Knox dhe Pax.

Sipas raportimit të Daily Mail, 17-vjeçari Knox tërhoqi vëmendjen me pamjen e re, pasi ishte shfaqur me flokë të lyer në nuanca portokalli dhe të kuqe. Ai u pa gjithashtu duke ndihmuar nënën e tij në përgatitjet për ditën e veçantë.

Festimi familjar vjen në një moment delikat për familjen Jolie-Pitt. Vetëm pak kohë më parë, djali i madh i çiftit, Maddox, 24 vjeç, ka kërkuar zyrtarisht heqjen e mbiemrit “Pitt”, duke zgjedhur të identifikohet si Maddox Chivan Jolie.

Sipas mediave të huaja, Maddox ka deklaruar se vendimi lidhet me arsye personale, ndërsa prej kohësh kishte ndaluar përdorimin e mbiemrit Pitt edhe në aktivitetet e tij profesionale.

Ndryshimi i emrit shihet si një tjetër sinjal i distancimit mes disa prej fëmijëve të çiftit dhe Brad Pitt, pas viteve të tensioneve familjare që pas ndarjes së bujshme të aktorëve në vitin 2016.

Megjithatë, Angelina Jolie duket se po fokusohet te familja dhe raporti me fëmijët e saj, duke zgjedhur ta festojë këtë përvjetor larg vëmendjes së madhe publike dhe në shoqërinë e njerëzve më të afërt.

Burimi;https://www.instagram.com/angelinajolie/

Foto;https://www.instagram.com/angelinajolie/