Këngëtarja e njohur shqiptare, Leonora Jakupi, ka prekur ndjekësit e saj me një dedikim të ndjerë kushtuar babait të ndjerë, në 28-vjetorin e ndarjes së tij nga jeta.
Përmes disa postimeve të publikuara në “Instagram”, artistja ka ndarë momente tejet emocionale, duke sjellë pamje nga varri i babait të saj, i zbukuruar me lule të bardha. Krahas tyre, Leonora publikoi edhe fotografi të rralla nga jeta e tij, duke rikthyer kujtime të çmuara dhe duke treguar se mungesa e tij vazhdon të ndihet fort edhe pas kaq shumë vitesh.
Në një prej postimeve të saj, këngëtarja shprehu mallin e madh për të atin me fjalët: “Sa mall kam për ty, engjëlli im babë”.
Dedikimi i saj u shoqërua me reagime të shumta nga ndjekësit, të cilët i kanë dërguar mesazhe mbështetëse dhe ngushëllime. Shumë prej tyre e vlerësuan ndjeshmërinë e artistes dhe mënyrën e sinqertë me të cilën ajo ndau një pjesë kaq personale të jetës së saj.
Leonora Jakupi ka qenë gjithmonë e rezervuar sa i përket jetës private, por në raste të veçanta ajo ka ndarë me publikun kujtime dhe momente të rëndësishme familjare. Postimi i saj i fundit dëshmon edhe një herë lidhjen e fortë emocionale që ajo ruan me kujtimin e babait të saj, pavarësisht viteve që kanë kaluar.
Burimi;https://www.instagram.com/leonorajakupi/
Foto;https://www.instagram.com/leonorajakupi/