Me simptatine dhe zërin e saj të pakrahasueshëm, Lori mban një vend të veçantë mes artistëve të tjerë të zhanrit të saj. Bukuroshja jonë ka një shpirt poetik të apasionuar pas traditës dhe vlerave të muzikës së vërtetë qytetare folklorike dhe autoktone, por prej saj nuk kanë munguar edhe projekte me ritme dhe orientime nga stile më bashkekohore dhe moderne. Edhe këtu Lori ka korrur shumë sukses, duke pasur kësisoj adhurues mes disa grupmoshave. Disa e preferojnë për nostalgjinë që sjell në gëzimet e tyre dhe të tjerë për harenë që di të sjellë me ritmet festive të këngëve të saj.
Për Arkiva News Lori ka bërë me dije se do bëjë publike së shpejti një seri jo të shkurtër projektesh video, plotë 6 të tilla, të cilat do të shenjojnë këtë sezon me origjinalitetin e stilit të saj. Më poshtë mund të ndiqni disa materiale të sjella nga artistja bukuroshe për ndjekësit e Arkiva News.
Foto&Video: ©Arkiva News